Мы – гэта Мінск! Лошыцкі парк



Шоумэн Павел Сыраежкін – нязменны ўдзельнік нашых зорных матчаў, прымеркаваных да новых сезонаў. Апроч таго, ён карэнны мінчук, таму мы проста не змаглі не папрасіць Паўла падзяліцца сваім любімым месцам у горадзе М.

Вялікую частку свайго дзяцінства я правёў у  раёне Серабранка, які мяжуе з сённяшняй Лошыцай. І паміж імі знаходзіцца  класны гістарычны Лошыцкі парк. Гэта, пэўна што, найстарэйшы мінскі парк. Мала хто ведае, але там знаходзіцца сядзіба 18 стагоддзя, у якой па легендзе жывуць прывіды. Там знаходзяцца разваліны старых стайняў і ветракоў. Таму гэта месца з велізарным рамантычным і гістарычным складнікам. Пасля рэканструкцыі, якая была гадоў 5-7 назад, парк стаў яшчэ лепш і бяспечней. Таму што ў маю маладосць там ствараліся «нячыстыя» справы. А цяпер гэта вялікі сямейны парк. І калі вам цікава, то можна паглядзець, якая колькасць фільмаў там здымалася, пачынаючы ад «Корціка» і сканчаючы іншымі рэчамі, якія помніць маё пакаленне.

Цяпер гэта класная пляцоўка, на якой нават елка выстаўляецца, калі я не памыляюся. І велізарная прастора, дзе можна прабавіць час з дзецьмі ці пабыць у адзіноце.

Асабліва прыгожы парк увесну, калі пачынае квітнець і напаўняцца водарамі. Гэта адно з лепшых месцаў у Мінску для шпацыраў. І, пэўна што, для кожнага гараджаніна важна мець куток, куды вы можаце прыйсці ў любы час, у любое надвор'е. Пабыць сам-насам з сабой і падсілкавацца энергетыкай, якой часам вельмі і вельмі бракуе.

Мы дзякуем Паўлу за аповед. А ўсіх астатніх заклікаем дасылаць свае гісторыі пра любімыя месцы ў горадзе, бо гэта ўнікальная магчымасць стаць першымі ўладальнікамі сертыфіката на сезонныя абанементы нашай каманды.
І помніце, Мінск – гэта мы!